အမှိုက်ပုံထဲမှာအစာရှာစားနေရင်း ဗိုက်နာတဲ့ဝေဒနာကို
ကျွန်မ ခံစားလာရတယ်။ ဗိုက်ကတဖြည်းဖြည်းနဲ့ ပိုပြီးနာ လာတယ်။ နောက်ဆုံးကျွန်မ ဘယ်လိုမှမခံနိုင်တော့ဘူး။
ကျွန်မ သိတယ်။ ကျွန်မ မွေးတော့မယ်။ ကိုယ်ဝန်က နေ့စေ့လစေ့ ဖြစ်နေပြီ။ မွေးဖို့ဖွားဖို့အတွက်
နေရာကောင်းတစ်ခု ရမှဖြစ်မယ်။ ဗိုက်နာနေပေမယ့် အားတင်းပြီး နေရာလိုက်ရှာရတယ်။
ပထမဆုံး ရပ်ကွက်အစွန်က ခြေတံရှည်အိမ်လေးအောက်ကိုပြေးဝင်လိုက်တယ်။
နေရာကတော့ အကောင်းသား။ မြေသားက နူးညံ့တယ်။ မိုးလုံလေလုံဆိုတော့ စိတ်ချရတယ်။ အခုလိုမိုးတွင်းကြီးထဲမှာ
နေရာကောင်းတစ်ခုရဖို့ဆိုတာ မလွယ်လှဘူး။ မြေသားတွေကို လက်နဲ့ယက်ထုတ်ပြီး တွင်းဖော်နေတုန်းမှာ
ဘုတ်ခနဲအသံနဲ့အတူ ကျောက်ခဲတစ်လုံးက ကျွန်မ ခေါင်းကိုလာမှန်တယ်။ ကြည့်လိုက်တော့ အိမ်ရှင်လူဝကြီးဖြစ်နေတယ်။
“ ဒီခွေးမတော့ကွာ ၊ ရာရာစစ ငါ့အိမ်အောက်မှာ
ကလေးလာမွေးဖို့လုပ်နေတယ် ”
ပါးစပ်ကပြောပြီး ကျောက်ခဲတွေနဲ့ အဆက်မပြတ်ပစ်တော့တာပဲ။
ကျွန်မ ကျောက်ခဲတွေကို တိမ်းရှောင်ပြီး လွတ်အောင်ထွက်ပြေးခဲ့ရတယ်။ ကျွန်မ အရှောင်ကောင်းတာတောင်
ခြေတောက်နဲ့ ခေါင်းကို ကျောက်ခဲမှန်သွားသေးတယ်။ တော်သေးတယ်လို့ဆိုရမှာပေါ့။ တကယ်လို့များ
ဗိုက်ကိုကျောက်ခဲမှန်သွားရင် ကလေးတွေအတွက် မတွေးရဲစရာ။
ဗိုက်နာရင်းတန်းလန်းနဲ့ပဲ နေရာသစ်ကိုလိုက်ရှာရပြန်တယ်။
မိုးရိပ်တွေကလည်း မည်းတက်လာပြီ။ မိုးတွင်းကြီးမှာ ကလေးမွေးရတာလောက်ပင်ပန်းတာမရှိဘူး။
တခြားရာသီတွေမှာဆို နီးစပ်ရာအမှိုက်ပုံမှာမွေးလိုက်လည်း ပြဿနာမရှိဘူး။ ပြေးရင်းလွှားရင်း
တိုက်ကြီးတစ်လုံးရဲ့နောက်ကဂိုဒေါင်ကြီးကို ကျွန်မ မျက်စိကျသွားတယ်။ အဲဒီဂိုဒေါင်ကြီးထဲမှာ
မွေးရမယ် ဆို ဟန်ကျတာပဲ။ မိုးလေလုံတဲ့အပြင်
ကလေးတွေလည်းနွေးထွေးမယ်။
ကျွန်မ ဂိုဒေါင်ကြီးအနားကိုကပ်လာခဲ့တယ်။
လူတွေများရှိနေမလားလို့ အရိပ်အချည်ကြည့်လိုက်တော့ မတွေ့ရဘူး။ အို .. ဂိုဒေါင်တံခါးကလည်း
ပွင့်လျက်သားပဲ။ ကျွန်မ တော်တော်လေးဝမ်းသာသွားတယ်။ ဂိုဒေါင်ထဲဝင်လာပြီး မွေးမယ့်နေရာ
ရှာကြည့်တော့ ဂုန်နီအိတ်တွေခင်းထားတဲ့ နေရာတစ်ခုကိုတွေ့လိုက်တယ်။ ဝမ်းသာအားရပဲ ကျွန်မ
တက်အိပ်လိုက်တယ်။ အဲဒီတော့မှ ဗိုက်ကိုလွတ်လွတ်လပ်လပ်နာရတော့တယ်။
“ ဟာ ဒီခွေးမ ဘယ်ကဝင်လာတာလဲ ၊ ကဲကွာ
”
ရုတ်တရက်ထွက်ပေါ်လာတဲ့ အသံနဲ့အတူ ပြင်းထန်တဲ့ရိုက်ချက်က
ကျွန်မ ခေါင်းကိုမိတ်ဆက်သွားတယ်။ ကျွန်မ ဗိုက်နာတာကိုမေ့ပြီး ဂိုဒေါင်အပြင်ကိုပြေးထွက်လာခဲ့တယ်။
နောက်လှည့်ကြည့်လိုက်တော့ ကျွန်မကိုရိုက်တဲ့လူနဲ့ မိန်းမ တစ်ယောက် ဂိုဒေါင်ထဲဝင်သွားကြတာတွေ့လိုက်ရတယ်။
အဲဒီလူကြီးကို ကျွန်မကောင်းကောင်းသိတာပေါ့။ ဒီတိုက်ကြီးရဲ့ ပိုင်ရှင်လေ။ မယားနဲ့သားနဲ့။
အဲဒီမိန်းမကိုလည်း မြင်ဖူးသားပဲ။ ဘယ်မှာများမြင်ဖူးတာပါလိမ့်။
သြော် မှတ်မိပြီ။ ဒီတိုက်ကြီးမှာ အိမ်ဖော် လုပ်ဖို့ ဆိုပြီး ရောက်လာတဲ့ မိန်းကလေးမဟုတ်လား။
တောကနေ ဒီကိုရောက်လာတာ ဘယ်လောက်များကြာသေးလို့လဲ။ သူတို့အဲဒီဂိုဒေါင်ထဲ ဘာဝင်လုပ်တာပါလိမ့်။
ကျွန်မလည်း စပ်စုချင်ဇောနဲ့ ဗိုက်နာတာကိုမေ့သွားတယ်။
ဂိုဒေါင်အနားကို ချည်းကပ်လာပြီး အပေါက်ကလည်း
ချောင်းကြည့်လိုက်ရော။ ကျွန်မ ရှက်လိုက်တာလေ။ လူကြီးက အဲဒီမိန်းကလေးကိုပွေ့ဖက်ထားလို့။
ကျွန်မ ပြေးထွက်လာခဲ့ တယ်။ လူတွေများ တော်တော့်ကိုအရှက်ကင်းမဲ့ကြတာပဲ။ သစ္စာလည်းမရှိကြဘူး။
ကျွန်မကတော့ တစ်ယာက်ဆိုတစ်ယောက် ပိတောက်ဆို ပိတောက်ပဲ။
ကျွန်မ အပျိုဖော်ဝင်လာခဲ့ကတည်းက ဘယ်ကောင်ကိုမှ
အကပ်ခံခဲ့တာမဟုတ်ဘူး။ ကိုယ့်ကိုယ်ကို ထိန်းသိမ်းလာခဲ့ တာ။ ဗိုင်းကောင်းကျောက်ဖိ သန့်သန့်လေးပဲ။
ကိုညို နဲ့တွေ့မှ မေတ္တာစိတ်ယိုဖိတ်ပြီး အကပ်ခံခဲ့တာ။
ကိုညိုကလည်း ကျွန်မကိုသာ သည်းသည်းလှုပ်ချစ်တာ။
ဘယ်ကောင်မကိုမှ ပြီတီတီလုပ်ဖူးတာမဟုတ်ဘူး။ ဒါပေမယ့် ကိုညို ကံဆိုးရှာပါတယ်။ ကိုညို့အဖြစ်ဆိုးကို
တွေးကြည့်တာနဲ့တင် ဝမ်းနည်းလို့မဆုံးဘူး။
ကျွန်မ ကိုညိုနဲ့ အကြောင်းပါပြီး ကိုယ်ဝန်လွယ်စမှာပဲ
ချဉ်ခြင်းတပ်လာပါရောလား။ ကျွန်မရဲ့ချဉ်ခြင်းက လူတွေ ရောင်းနေတဲ့ ပေါက်စီဆီကိုမှစားချင်လာတာ။
ပေါက်စီမစားရရင် မနေနိုင်ဖြစ်ပြီး တမှိုင်မှိုင်တထွေထွေပေါ့။ ကျွန်မရဲ့အဖြစ်ကို ကိုညိုက
မကြည့်ရက်လို့ ပေါက်စီရှာပေးမယ်ဆိုပြီးထွက်သွားရော။ အဲဒါကမှ ကျွန်မ မဟာအမှား ကြီးကျူးလွန်လိုက်သလို
ပါပဲ။
ပေါက်ဆီသွားရှာတဲ့ ကိုညို တစ်နာရီကြာလည်း ပြန်မလာ။
နှစ်နာရီကြာလို့လည်း ပြန်မလာနဲ့။ အချိန်တွေသာ တရွေ့ရွေ့ကုန်သွားတယ်။ ကိုညို ပြန်မလာဘူး။
အဲဒီတော့မှ ကျွန်မ လိုက်ရှာတော့ ကားလမ်းမထက်က သွေးအိုင်ထဲမှာ လဲနေတဲ့ ကိုညိုရယ်လေ။
ပါးစပ်မှာလည်း ပေါက်ဆီကိုကိုက်ထားလိုက်တာ ချတောင်မချဘူး။ ကျွန်မကို အသေခံပြီး ချစ်ပြသွားတာလေ။
အခု ကျွန်မ မြင်လိုက်တဲ့ လူတွေများ
သစ္စာမဲ့လိုက်ကြတာ။ ကိုညို နဲ့ တခြားစီပဲ။ အရှက်အကြောက်လည်း တစ်စက်ကလေးမှမရှိကြဘူး။
မယားကြီးငုတ်တုတ်ရှိနေရက်နဲ့တောင် ငတက်ပြားထုံးနှလုံးမူနေကြတာ။ သေသာသွားရင် ရက်မလည်ခင်
အိမ်ပေါ်ခေါ်တင်မယ့်ကိန်းပဲ။
(၂)
ဗိုက်က တစ်စထက် တစ်စပိုနာလာပြီ။ အခုထိ မွေးမယ့်နေရာကိုရှာမတွေ့သေးဘူး။
တစ်နေရာကနေ တစ်နေရာ ပြေးလွှားနေရတာနဲ့ ကျွန်မ အရမ်းပင်ပန်းနေပြီ။ နေရာတစ်နေရာတွေ့လို့
ဝင်ပြေးမိပြန်တယ်။ ထင်းတွေလှောင်ထားတဲ့ ရုံကြီးတစ်ခုက လုံလုံခြုံခြုံပါပဲ။ ကျွန်မ ထင်းလှောင်ရုံထဲဝင်လိုက်ရုံပဲရှိသေးတယ်။
ခပ်ပြင်းပြင်းလှမ်းလာတဲ့ ခြေသံတွေကို ကြားလိုက်ရတယ်။
ခြေသံတွေက တဖြည်းဖြည်းနဲ့ နီးကပ်လာတယ်။ ကျွန်မ
ကြည့်လိုက်တော့ ကိုယ်ဝန်အရင့်အမာနဲ့ မိန်းမတစ်ယောက် က ထင်းတစ်ချောင်းကိုဆွဲကိုင်လို့။
အန္တရာယ်ကို ရိပ်စားမိလိုက်ပေမယ့် နောက်ကျသွားခဲ့တယ်။ ထင်းချောင်းက ကျွန်မ ခေါင်းကို
အရှိန်ပြင်းပြင်းနဲ့ လာမှန်တယ်။ ဗိုက်ကနာ ခေါင်းကနာနဲ့ ပြေးထွက်လာခဲ့ရပြန်တယ်။
လူတွေများ စာနာမှုတရားကင်းမဲ့လိုက်ကြတာ။ သူလည်းကိုယ်ဝန်နဲ့
နည်းနည်းပါးပါးကိုယ်ချင်းစာမှပေါ့။ သူတို့ကျ တော့ ဗိုက်နာမှာကြောက်လို့ အဆင့်မြင့်ဆေးရုံတွေမှာ
ခွဲမွေးကြမှာ။ ပြီးတော့ မမွေးခင်မှာလည်း
ဆေးစား ။ မွေးပြီးတော့ လည်း ဆေးနဲ့မလွတ်ကင်း။ သူတို့အကြောင်းများ မသိရင်ခက်မယ်။
ကျွန်မတို့မှာဆို ဗိုက်ရကတည်းက ဆေးဆိုတာဘာလဲမသိ။
ပြီးတော့ သူတို့လူတွေလို တစ်ယောက်တည်း မွေးတာ မဟုတ်ဘူး။ အစုလိုက် အပြုံလိုက်မွေးတာ။
ကျွန်မတို့လိုများ သူတို့မွေးရရင် အသက်နဲ့ကိုယ် အိုးစားကွဲသွားမယ်ထင်ရဲ့။ ပြီးတော့
အခုခေတ်မှာ သားသမီးတွေကို ကျွန်မတို့လို အနာခံပြီးမွေးတဲ့ မိခင်တွေ ရှာမှရှားပဲ။ ကျွန်မတို့မှာ
မမွေးခင် ကတည်းက ဒုက္ခတန်းလန်းနဲ့ ခိုကိုးရာမဲ့။ ဒုက္ခဆိုပေမယ့်လည်း ကျွန်မတို့လို မိခင်လောင်းတွေအတွက်
ချိုမြိန်တဲ့ ဒုက္ခ တွေပေါ့လေ။
အား .. ဗိုက်ကပိုနာလာပြန်ပြီ။ မွေးတော့မယ်ထင်ပါရဲ့။
နောက်ထပ်နေရာတစ်ခုရှာဖို့ မှီမှ မှီသေးရဲ့လား။ အားတင်း ပြီး နေရာလိုက်ရှာကြည့်တယ်။
မခံနိုင်တော့ဘူး။ မွေးတော့မှာ သေချာတယ်။
ကျွန်မနဲ့ အနီးကပ်ဆုံးနေရာကိုကြည့်လိုက်တော့
ရေမြောင်းတစ်ခုကိုဖောက်လုပ်ထားတဲ့ သစ်သားတံတားလေးကို တွေ့လိုက်တယ်။ မတတ်နိုင်တော့တဲ့အဆုံး
ရေမြောင်းထဲဆင်းပြီး တံတားအောက်ကိုဝင်လာခဲ့တယ်။ ရေမရှိလို့ တော်ပါ သေးရဲ့။
နူးအိနေတဲ့ မြေတွေကိုယက်ထုတ်ပြီး တွင်းဖြစ်အောင်လုပ်ရတယ်။
ကျွန်မ ပြေးရလွှားရနဲ့ သိပ်ပင်ပန်းနေလို့ထင် တယ်။ တွင်းကြီးကြီးတူးဖို့တောင် အားမရှိတော့ဘူး။
အား .. အမေရေ .. အား ..နာလိုက်တာ။
တကယ်ကို နာကျင်လွန်းလှတယ်။ ကျွန်မ ဗိုက်တွေကွဲထွက်ကုန်ပြီထင်ပါရဲ့။
ကျွန်မ ဗိုက်နာတဲ့အချိန် ပြင်းပြင်းပြပြ သတိရမိတာက ကိုညို့ကိုမဟုတ်ဘူး။ ကျွန်မကို မွေးထုတ်ပေးခဲ့တဲ့
အမေ။ အမေ့ကို အရမ်းသတိရမိတယ်။ ကျွန်မကိုမွေးခဲ့ တုန်းကလည်း အမေ ဒီလိုခံစားခဲ့ရမှာပဲ။
ဒီလိုနာကျင်ခဲ့ရမှာပဲ။ ဒါကိုတောင် အမေ့ရင်ခွင်ကို ပစ်ခွာပြီး ကျွန်မထွက်လာခဲ့မိ တယ်။
အား .. အရမ်းနာတာပဲ အမေရယ်။ တကယ်ပဲ လုံးဝမခံနိုင်တော့ဘူး။ အား …. အမေရေ .. ။
“ သမီး အားတင်းထားနော် ၊ မွေးတော့မယ်
၊ ညှစ် .. အားနဲ့ညှစ်ထုတ်လိုက် ၊ မိခင်တွေရဲ့ အားမာန်အပြည့်နဲ့ ရင်သွေးလေးတွေကို လောကကြီးထဲ
သတ္တိရှိရှိခေါ်ထုတ်လိုက် ”
အမေ့ စကားသံလိုလို ကျွန်မကြားနေရတယ်။
ဟုတ်တယ် .. ကျွန်မရဲ့ ရင်သွေးလေးတွေကို သတ္တိရှိရှိနဲ့ လောက ကြီးကိုပြသရမယ်။ ကျွန်မ
အင်တိုက်အားတိုက်ညှစ်ထုတ်လိုက်မိတယ်။
အား …..။
ကျွန်မ နာကျင်စွာနဲ့ အော်ဟစ်လိုက်မိတယ်။
အားအင်တွေဆုတ်ယုတ်လာသလို မောပန်းသွားတယ်။ ပြီးတော့ လောကကြီးနဲ့ အဆက်အသွယ်ပြတ်သွားတော့တယ်။
(၃)
ပထမဆုံး ကျွန်မကို နားဝင်ချိုစေတဲ့
တီတီတာတာအသံလေးတွေကြားလိုက်ရတယ်။ ကျွန်မ ဝမ်းသာအားရ ကြည့် လိုက်တော့ ကိုးကောင်တောင်။
ကျွန်မ ကြည်နူးသွားမိတယ်။ နာကျင်တာတွေအားလုံး မြူတမှုန်မှမကျန် လွင့်ပျောက် သွားတယ်။
ကြည့်စမ်းပါဦးလေ။ ကျွန်မကို တိုးဝှေ့ရစ်ပတ်နေတဲ့
သံယောဇဉ်ကြိုးလေးတွေ။ မျက်လုံးတောင်မပွင့်သေးတဲ့ ကလေးတွေက သူ့မိခင်ဖြစ်တဲ့ ကျွန်မကို
မြင်ချင်နေရှာမှာပေါ့။ ကျွန်မ လျှာလေးနဲ့ အသာလျှက်ပေးနေမိတယ်။ မှန်းစမ်း ဘာလေးတွေလဲ။
အံမယ် .. ကိုညိုနဲ့တူတဲ့ အထီးက လေးကောင်။ ကျွန်မနဲ့တူတဲ့ အမလေးက ငါးကောင်။
ကျွန်မ မျက်ဝန်းထဲမှာ မျက်ရည်တွေဝေ့သီလာတယ်။
သြော် .. ကိုညိုသာရှိရင် ဘယ်လောက်များကောင်းလိုက်မလဲ။ ဖခင်မဲ့ရှာတဲ့ ကလေးတွေကိုကြည့်ပြီး
ကျွန်မ စိတ်မကောင်းမိတာတော့အမှန်။
အဲဒီအချိန်မှာ ရေမြောင်းထဲဝင်လာတဲ့
အရိပ်တစ်ခုကိုတွေ့လိုက်ရတယ်။ အမေ ..။ အမေမှ အမေ အစစ်။ ကျွန်မ အာရုံထဲမှာ စွဲထင်ကပ်ငြိနေခဲ့တဲ့
အမေ့ကို ဘယ်မေ့နိုင်ပါ့မလဲ။ အမေက ကျွန်မခေါင်းလေးကို အသာလေးလျှက်ပေးနေ တယ်။ ကျွန်မကတော့
အမေ့ရင်ခွင်ထဲတိုးဝှေ့ရင်း ကျွန်မ ကိုယ်ကျွန်မ ကလေးတစ်ယောက်လိုဖြစ်နေမိတယ်။
အဲဒီအချိန်မှာပဲ အန္တရာယ်အနံ့အသက်ကိုရလာတဲ့
အမေနဲ့ ကျွန်မ ဖျတ်ခနဲထလိုက်ကြတယ်။ ကောင်းကင်တစ်ခွင် လုံး မိုးရိပ်တွေနဲ့ မည်းမှောင်လို့။
မိုးစက်လေးတွေတောင် တစ်ပေါက်စ နှစ်ပေါက်စကျလာနေတယ်။ ကျွန်မ ကလေးတွေ အတွက် စိုးရိမ်တကြီးဖြစ်သွားတယ်။
နေရာရွှေ့မှရမယ်။ မိုးရွာလာရင် အခက်။ ရေမြောင်းတစ်ခု လုံးရေပြည့်လာရင် ကလေး တွေမျောသွားလိမ့်မယ်။
အမေနဲ့ ကျွန်မ ကလေးတစ်ကောင်စီကို ကိုက်ချီလိုက်တယ်။
မိုးလုံမယ့်နေရာကိုလိုက်ရှာရတယ်။ အမေက ကုက္ကိုပင် ကြီးဆီကို ဦးတည်ပြီးပြေးသွားတယ်။
ကျွန်မလည်း အမေ့နောက်ကပြေးလိုက်လာခဲ့တယ်။ ကုက္ကိုပင်ကြီးက မိုးအနည်းငယ်လုံ ပေမယ့် စိတ်ချရတဲ့နေရာတော့မဟုတ်သေးဘူး။
ဒါပေမဲ့ ရေမြောင်းထက်စာရင် ပိုစိတ်ချရတယ်။ ကလေးကို ချထားခဲ့ပြီး ရေမြောင်းအောက်ကိုပြေးလာခဲ့ရပြန်တယ်။
မိုးကတဖွဲဖွဲရွာလာပြီ။ အမေနဲ့ ကျွန်မ
အပြေးအလွှားနဲ့ ကလေးတွေကို ကိုက်ချီပြေးလွှားနေခဲ့တယ်။ အခုမှ လေး ကောင်ပဲ ဘေးလွတ်ရာရောက်သေးတယ်။
ကျွန်မ အားတင်းပြီးပြေးလာခဲ့ပြန်တယ်။ ကျွန်မ အရမ်းပင်ပန်းနေပြီ။ ဒါပေမဲ့ သားဇောနဲ့
ကျွန်မ မောပန်းရမှန်း မသိသေးဘူး။ အမေလည်း အရမ်းပင်ပန်းနေတဲ့ပုံပေါ်တယ်။
ခြောက်ကောင်မြောက်ချီလာပြီးချိန်မှာတော့
မိုးကသည်းသည်းမည်းမည်းရွာချလာတော့တယ်။ ကျွန်မတို့ အပြေး အလွှားနဲ့ ကလေးတွေကိုကိုက်ချီလာရတယ်။
ရှစ်ကောင်တော့ဘေးလွတ်ရာကိုရောက်လာခဲ့ပြီ။ မိုးက ပိုပြီးသည်းထန် လာတယ်။
ကျွန်မ စိုးရိမ်တကြီးပြေးလာခဲ့တယ်။
ရေမြောင်းတစ်ဝက်လောက်အထိ ရေတွေပြည့်လျှံနေခဲ့ပြီ။ ကျွန်မ ပျာယာခတ် သွားတယ်။ ကလေးအတွက်
ပူပန်မှုတွေက အထွတ်အထိပ်ကိုရောက်နေပြီ။ ကျွန်မ ရေမြောင်းထဲခုန်ဆင်းလိုက်တယ်။ သားလေးရဲ့အရိပ်ယောင်ကိုတောင်မတွေ့။
မိုးက သည်းထန် စွာရွာသွန်းနေတယ်။ ကျွန်မ မျက်ဝန်းမှာ မျက်ရည်တွေစို့တက် လာတယ်။ သားလေးမျောသွားခဲ့ပြီလား။
ရေတွေက ပိုပြီးများလာတယ်။ ကျွန်မ နှာခေါင်းလောက်အထိရေတွေတက်လာပြီ။
ကျွန်မ အသက်ရှူတောင်မဝတော့ ဘူး။ ကျွန်မ ရေမြောင်းထဲကနေ ကြိုးစားပြီးတက်လိုက်တယ်။ အမေလည်း
သူ့မြေးလေးအတွက် ပျာယာခတ်ပူပန်နေပြီ။ သားလေးအတွက် သောကလေပွေက ကျွန်မရင်ကို ပြင်းပြင်းထန်ထန်မွေနှောက်နေတယ်။
အမေနဲ့ ကျွန်မ ရေမြောင်း တလျှောက်အပြေးအလွှားလိုက်ကြည့်တယ်။ သားလေးကိုမတွေ့တော့ဘူး။
ကျွန်မ ရင်တွေကွဲထွက်ကုန်ပြီထင်ရဲ့။
ဟင် .. ကျွန်မ မျက်လုံးတွေ ဝင်းလက်သွားတယ်။
ပျဉ်ပြားလေးတစ်ချပ်ပေါ်မှာတင်ပြီး မျောနေတဲ့ သားလေး။ သားလေးက အသက်အန္တရာယ်ကိုရိပ်စားမိနေတယ်ထင်ရဲ့။
ပျဉ်ပြားကို အသေအလဲကုတ်တွယ်ထားတာတွေ့ရတယ်။ သားလေးကို ဘယ်လိုကယ်တင်ရမလဲမသိသေးဘူး။ ရေရှိန်ကပြင်းထန်လှသလို
ရေမြောင်းကလည်းနက်တဲ့အပိုင်းကိုရောက် နေတယ်။
အဲဒီအချိန်မှာပဲ မထင်မှတ်ထားတဲ့ လုပ်ရပ်တစ်ခုကိုလုပ်လိုက်တာက
အမေ။ အရှိန်ပြင်းပြင်းနဲ့မျောနေတဲ့ပျဉ်ပြားရှေ့ ကို အမေခုန်ဆင်းလိုက်တယ်။ အမေ့ရဲ့ခေါင်းတစ်လုံး
ပျဉ်ပြားရှေ့ကခံနေတာမို့ ပျဉ်ပြားကမျောမသွားနိုင်တော့ဘူး။ ရေတွေ က အမေ့နှာများလောက်အထိရှိနေပြီ်။
အမေက တဖြည်းဖြည်းနဲ့ ပျဉ်ပြားကို ရေမြောင်းအစပ်ကိုရောက်အောင် တွန်းပို့ပေး တယ်။ ပျဉ်ပြားက
ရေမြောင်းစပ်နားကိုကပ်လာတာနဲ့ သားလေးကို ကျွန်မ ကိုက်ချီလိုက်တယ်။ သားလေးကို ကယ်နိုင်ခဲ့ပြီ။
အမေ..။ အမေ့ အတွက်စိုးရိမ်သွားမိတယ်။
ရေမြောင်းထဲကနေ အမေ ဘယ်လိုပြန်တက်မလဲ။ သားလေးကို ကုက္ကိုပင်အောက် အပြေးလေးလာချပြီး အမေ့ကိုကူညီဖို့
ရေမြောင်းဆီကိုပြေးလာခဲ့တယ်။ ဒါပေမယ့် အမေ .. အမေ့ကို မတွေ့ရတော့ဘူး။ ရေမြောင်းတစ်လျှောက်လိုက်ရှာပေမယ့်
အချဉ်းအနှီးပဲ။ ရေပေါ်မှာ အရှိန်ပြင်းပြင်းမျောနေရှာတဲ့ ပျဉ်ပြားလေးတစ်ချပ်ကိုပဲတွေ့ရတယ်။
ကျွန်မ မျက်ဝန်းက မျက်ရည်တွေလည်း မိုးနဲ့အပြိုင်ရွာသွန်းနေတယ်။
လေးလံဆုတ်ယုတ်တဲ့ ခြေလှမ်းတွေနဲ့ ကုက္ကိုပင်အောက်လျှောက်လာခဲ့တယ်။ ကံကောင်းထောက်မစွာနဲ့
သားလေးက ပြန်ခေါ်လာနိုင်ခဲ့ပေမယ့် အမေ့ကိုတော့ .. အမေ့ကိုတော့ ခေါ်မလာနိုင်ခဲ့ဘူး။ တအီအီအသံပေးနေတဲ့
ကလေးကိုးကောင်က ဒုက္ခသုခ ဘာမှမသိ။ ကျွန်မ ရင်မှာထဲမှာ တော့ အမေ့အတွက် အပူမီးတွေကျွမ်းလောင်နေတယ်။
အမေ့ရဲ့မေတ္တာကွန်ယက်က ကျွန်မ အပေါ်မှာတင်မဟုတ်ဘူး။
ကျွန်မသားလေးတွေအထိတောင် လုံခြုံအောင် ဖြန့်ကျက် လွှမ်းခြုံပေးနိုင်ခဲ့တယ်။ ကျွန်မကတော့
အမေ့ကိုတောင်ကျေးဇူးဆပ်ခွင့်မရလိုက်ဘူး။
မိုးက အငြိုးကြီးစွာနဲ့ သည်းသည်းမည်းမည်းရွာနေဆဲပဲ။
ကျွန်မလည်း မိုးနဲ့အပြိုင် ငိုကြွေးရင်း ကျေးဇူးရှင်အမေ့ကို အကြိမ်ကြိမ်ရှိခိုးဦးချတောင်းပန်လိုက်မိတယ်။
“ သမီးမိုက်ကို ခွင့်လွှတ်ပါ အမေရယ်
”
0 မှတ်ချက်:
Post a Comment