ငွေဆိပ်သင့်ကြသူများ ♥ ♥ ♥ နတ်ရဲ(ရူပဗေဒ)

သူကတော်တော်လေးကိုဆွဲဆောင်မှုရှိတယ်။ အရမ်းလည်း ညှို့နိုင်လွန်းတယ်။ သူ့ကိုမြင်ရင် လိုချင်တပ်မက်စိတ် တွေဝင်လာတယ်။ စွဲလန်းမိရင် လောဘရမ္မက်တွေ ကြီးလာတယ်။ သူက လူတိုင်းရဲ့သည်းခြေကြိုက်ပဲ။ ဒါကြောင့် သူ့ကို လူတွေမက်မက်မောမောရှာဖွေနေကြတာပေါ့။

(၁)

          ကျွန်မနာမည်က နုငယ်ပါ။ ကျွန်မနေတာက နှမ်းကျဲဆိုတဲ့တောရွာလေးမှာ။ ဒါပေမဲ့ ကျွန်မက တောကိုမုန်းတယ်။ ပြီးတော့ အမေ့နောက်ယောကျာ်းဦးထွန်းသာကိုလည်းမုန်းတယ်။ ဦးထွန်းသာက  ပထွေးပီပီ မယားပါသမီးဖြစ်တဲ့ ကျွန်မကို မသထာချင်ဘူး။ ဒါကြောင့် ကျွန်မကို ဇွတ်အတင်းအလုပ်လုပ်ခိုင်းတယ်။ နေ့တိုင်း ကောက်စိုက်ရ ပျိုးနှုတ်ရနဲ့။ ရလာတဲ့ငွေက နည်းနည်းလေးရယ်။ အဲဒီငွေကလည်း ပထွေးလက်ထဲရောက်ပြီး အရက်ဖိုးဖြစ်သွားရော။ ဒီတော့ အလုပ်တွေချည်းလုပ်ရပြီး ငွေရနည်းတဲ့အလုပ်ကို ကျွန်မစိတ်ပျက်လာမိတယ်။

          တစ်နေ့တော့ ကံဆိုးချင်တဲ့ကျွန်မ သားကောင်ချောင်းတဲ့မုဆိုးနဲ့တွေ့ခဲ့ရတယ်။ မုဆိုးကလည်း တခြားသူမဟုတ်ဘူး။ ကျွန်မရဲ့ပထွေး ဦးထွန်းသာလေ။ ကျွန်မရဲ့ဘဝကို အညွန့်ကျိုးအောင်ဖျက်ဆီးဖို့ကြံစည်ခဲ့တာ။ အမေအရောက်မြန်ပေလို့သာ ပေါ့။ မဟုတ်ရင် ကျွန်မဘဝပျက်ရမှာ။

          ဒီကိစ္စနဲ့ ပတ်သက်ပြီး အမေက ကျွန်မကိုဆူလို့မဆုံးဘူး။ မိန်းကလေးတန်မဲ့ အနေအထိုင်မဆင်ချင်ဘူးတဲ့။ ပေါ့ပေါ့ နေ ပေါ့ပေါ့စား မိန်းမတဲ့။ အမေ့ရဲ့ပါးစပ်ဖျားမှာ ကျွန်မကအဓိကတရားခံဖြစ်လာခဲ့တယ်။ ဘယ်လောက်များရင်နာဖို့ကောင်း လိမ့်သလဲ။ လောကကြီးမှာသွေးအနီးဆုံးဖြစ်တဲ့အမေကတောင် ကျွန်မကို တန်ဖိုးထားမငဲ့ကွက်တော့ဘူး။

          အဲဒီအချိန်ကစပြီး အမေကကျွန်မကို မျက်လုံးဒေါက်ထောက်ကြည့်နေတော့တယ်။ အမြဲတမ်းအပြစ်မရှိ အပြစ်ရှာ နေတာပဲ။ အမေတစ်ခု သမီးတစ်ခုဘဝမှာ နွေးထွေးမှုဆိုတာ ရှားပါးတဲ့အရာတစ်ခုလိုပဲ။ အမေ့ရဲ့ပြောဆိုဆက်ဆံပုံတွေက ကျွန်မရင်ကို မီးစနဲ့ထိုးသလို ပူပြင်းနာကျင်စေတာအမှန်ပဲ။

နောက်ဆုံးတရားခံရှာလိုက်တော့ ငွေပဲ။ ငွေမရှိလို့ ဆင်းရဲရတာ။ ဆင်းရဲလို့ မိသားစုအဆင်မပြေဖြစ်ရတာ။ ဒုက္ခ ရောက်ကြရတာ။ ဒါတွေက ငွေမရှိလို့ဖြစ်ရတဲ့ နောက်ဆက်တွဲပြဿနာတွေပေါ့။ ငွေမရှိရင်လူရာမဝင်ဘူး။ အဲဒီအချိန်ကစပြီး ကျွန်မစိတ်ထဲမှာ ငွေကပဲအချိန်တိုင်းနေရာယူလာခဲ့တယ်။ ကျွန်မရဲ့ကိုးကွယ်ရာကငွေဖြစ်သွားတယ်။ ဒီတော့ ငွေရှိအောင် ရှာရမယ်။ ငွေများများရှာနိုင်ဖို့ကတော့ ကောက်စိုက်ပျိုးနှုတ်ရုံနဲ့ ဘယ်လိုမှမဖြစ်နိုင်ဘူး။

          အဲဒီအချိန်မှာ အခွင့်ကရေးတစ်ခုကဆိုက်ဆိုက်မြိုက်မြိုက်ရောက်လာတယ်။ မြို့ကလာတဲ့မိန်းမကြီးတစ်ယောက်က အလုပ်သမားလာရှာတာတဲ့။ ဒီသတင်းကြားတော့ အမေက အဲဒီမိန်းမကြီးကို အိမ်ခေါ်။ ထမင်းတွေဘာတွေဖိတ်ကျွေးပြီး အတင်းဖားတော့တာပဲ။

          အမေက ကျွန်မကို မလိုလားတော့ဘူးဆိုတာ ကျွန်မသိတယ်။ အမေက သူ့ယောကျာ်းနဲ့ ကျွန်မဝေးသွားဖို့ရည်ရွယ် တာလေ။ ဒီအကြောင်းတွေသိပေမယ့် အရမ်းကြီးလည်းဝမ်းမနည်းမိပါဘူး။ ကျွန်မ မှာ သံယောဇဉ်တွေ မေတ္တာတွေအစား ငွေကနေရာအပြည့်ယူထားခဲ့ပြီပဲ။

ဒီလိုနဲ့ အမေ့ရည်ရွယ်ချက်အောင်မြင်သလို ကျွန်မရည်မှန်းချက်လည်းပြည့်မြောက်ခဲ့တယ်ဆိုပါတော့။ မြို့မှာ အလုပ် သွားလုပ်ဖို့အတွက် အဆင်ပြေသွားခဲ့တယ်လေ။ ကောင်းကောင်းဝတ်ပြီး ကောင်းကောင်းစားရမယ်တဲ့။ လခလည်း ကောင်း ကောင်းရမယ်တဲ့။ ဒီတော့ မြို့တက်အလုပ်လုပ်မယ့်အကြောင်းစဉ်းစားပြီး ကျွန်မ အိပ်လို့တောင်မပျော်ဘူး။

မြို့ကိုရောက်တော့ နိုက်ကလပ်ဆိုလား ဘာလား။ အဲဒီမှာစားပွဲထိုးလုပ်ရတယ်။ တောမှာတုန်းက သနပ်ခါးအထူထူ လိမ်းပြီး အကျီဖားဖားကိုဝတ် ဆံပင်ကိုဖိုသီဖတ်သီသိမ်းတင်ပြီးနေပူထဲမှာလုပ်ရတာ။ ဒီမှာတော့သက်သာသလားမမေးနဲ့။ ဆံပင်တွေကိုအခွေလိုက်ဖြစ်အောင်ကောက်ပြီး မိတ်ကပ်အဖွေးသားနဲ့နေရတာ။ အဝတ်အစားဆိုလည်း ခေတ်ပေါ်လည်ဟိုက် အင်္ကျီနဲ့ စကဒ်တိုလေးက ဘယ်ခွဲညာခွဲ။ လခကလည်းကောင်းတော့ ငွေကောင်းကောင်းစုလို့ရတယ်။ ပြီးတော့ ဒီကိုလာကြ တဲ့လူတွေကလည်း ကျွန်မကို မုန့်ဖိုးတွေပေးသုံးကြတယ်။

တစ်ချို့လူတွေဆို အတော့်ကိုလက်ရဲဇက်ရဲနိုင်လှတယ်။ မပြောမဆိုနဲ့ ကျွန်မရဲ့လက်ကို ပိုင်စိုးပိုင်နင်းလှမ်းကိုင် တတ်တယ်။ ထိကပါး ရိကပါးလုပ်ကြတာကလည်း အကြိမ်ကြိမ်ပဲ။ အစပိုင်းမှာ စိတ်ထင့်သွားတတ်ပေမယ့် နောက်တော့ ကျွန်မ မတုန်လှုပ်တော့ဘူး။ လက်ကလေးတစ်ခါအကိုင်ခံလိုက်ရုံနဲ့ သူတို့အိတ်ထဲကထွက်ကျလာတဲ့ငွေတွေက ကျွန်မရတဲ့ လခထက်များနေတာကိုး။

ဘဝပေးကံမကောင်းလို့ဆင်းရဲနေပေမယ့် ကျွန်မရဲ့ရုပ်ရည်ကတော့ အပြစ်ပြောစရာကိုမရှိဘူး။ ကြာလာတော့ မသင်ရဘဲနဲ့ ညှို့နည်းတစ်ထောင် မြူဆွယ်နည်းအဖုံဖုံကို တတ်ကျွမ်းလာခဲ့တယ်။ အဲဒီပညာတွေကို ကျွန်မ ပိုင်ပိုင်နိုင်နိုင် အသုံးချတတ်ခဲ့တယ်။ အရက်တွေချပေးရင်း မျက်လုံးလေးပေကလပ် ပေကလပ်နဲ့ကြည့်လိုက်ရင်ပဲ သကောင့်သားတွေ ဘယ်ခံနိုင်ပါ့မလဲ။ လာခဲ့ရောပေါ့ ငွေစက္ကူတွေ။   

          ရလာတဲ့ငွေတွေက သန့်ရှင်းတဲ့ငွေလား မသန့်ရှင်းတဲ့ငွေလား မစဉ်းစားဘူး။ အဲဒီလိုစဉ်းစားဖို့ အချိန်တောင်မရှိဘူး။ ရတဲ့နည်းနဲ့ငွေရှာတာပဲ။ ကျွန်မရဲ့ဘဝကိုတောင် ရက်ရက်ရောရောပေးပြီး ငွေရအောင်ရှာခဲ့တယ်။ ရသမျှငွေတွေကိုလည်း မစားရက် မသောက်ရက်စုဆောင်းထားခဲ့တယ်။

          တစ်နေ့တော့ သားကောင်ကြီးကြီးတစ်ကောင်ဖမ်းမိခဲ့တယ်။ မုဆိုးဖိုသူဌေးကြီးလေ။ ဦးမြခေါင် တဲ့။ ချမ်းသာလိုက် တာလည်း မပြောပါနဲ့တော့။ ကျွန်မထက်တော့ သုံးဆယ့်ငါးနှစ်လောက်ကြီးတယ်။ ဒါတွေက ပြဿနာမရှိဘူး။ အဓိကတော့ ဦးမြခေါင်က ငွေရှိတယ်။ ချမ်းသာတယ်။ ဒါဆိုပြီးပြီပေါ့။

          ဦးမြခေါင်က ကျွန်မကို လက်ထပ်ချင်သတဲ့။ ကျွန်မအတွက်တော့ ရေငတ်တုန်း ရေတွင်းထဲကျသလိုပါပဲ။ ကန္တာရမှာ ရေကြည်တစ်ပေါက်တွေ့တာတောင် ဒီလောက်ဝမ်းသာမိမှာမဟုတ်ဘူး။ ဒီလိုနဲ့ ဦးမြခေါင်နဲ့ ကျွန်မ လက်ထပ်လိုက်ကြတယ်။ ဦးမြခေါင်ရဲ့တိုက်ကြီးကိုစရောက်တော့ အိပ်မက်မက်နေသလားအောက်မေ့ရတယ်။ ကြီးကျယ်လိုက်တာများ နတ်ပြည် ရောက်နေသလားပဲ။ မီးခံသေတ္တာကိုဖွင့်ပြတော့ ကျွန်မမျက်လုံး တွေအရောင်တောက်သွားတယ်။ ရွှေတွေ ငွေတွေ စိန်တွေ ဆိုတာ ကစားစရာလားအောက်မေ့ရတယ်။

          ကျွန်မလိုချင်တဲ့ ဘဝကိုရောက်ခဲ့လို့ အရမ်းကြည်နူးသွားမိတယ်။ နေ့တိုင်း နေ့တိုင်း မီးခံသေတ္တာကိုဖွင့်ကြည့်ရတာ လည်း မမောနိုင်အောင်ပါပဲ။ ဦးမြခေါင်ကလည်း ကျွန်မကိုအရမ်းအလိုလိုက်တယ်။ ငွေဆိုလည်း စိတ်တိုင်းကျသုံးနိုင် ဖြုန်းနိုင် ခဲ့တယ်။

          ဒီလိုသာယာနေတဲ့ ကျွန်မဘဝကို ကံကြမ္မာဂြိုလ်ဆိုးက အရိပ်မိုးလိုက်ပုံများ ကြောက်ခမန်းလိလိပါပဲ။ ကျွန်မ ငွေပုံပေါ်မှာစံနေနိုင်တာဘယ်လောက်များကြာသေးလို့လဲ။ ဒါနဲ့တောင် ဒီလိုအဖြစ်ဆိုးမျိုးကြုံရသတဲ့လား။

          ကျွန်မမှာ .. ကျွန်မမှာ ကုလို့မရတဲ့ရောဂါဆိုးကြီးရှိနေပြီတဲ့။ HIV ပိုးတွေက ကျွန်မခန္ဓာကိုယ်တစ်ခုလုံးကို စီးဝင်ပျံ့နှံ့  နေပြီတဲ့။ လူ့လောကမှာ အသက်ရှင်နေနိုင်ဖို့အခွင့်အရေးကမရှိသလောက်ရှားပါးနေခဲ့ပြီ။ အသက်ရှင်တဲ့ကာလပတ်လုံးမှာ လူဖြစ်ရှုံးစေတဲ့ရောဂါမျိုး ကျွန်မမှာစွဲကပ်နေခဲ့ပြီ။   

အမှားကိုသိတဲ့အချိန်မှာ အရာအားလုံးနောက်ကျသွားခဲ့ပြီ။ နောင်တဆိုတာကို နောက်ကျမှ ကျွန်မရခဲ့ပြီ။ ကျွန်မ ကိုးကွယ်ခဲ့တဲ့ ငွေ။ ကျွန်မ လိုချင်တပ်မက်ခဲ့တဲ့ငွေ။ ဒီငွေတွေ ကျွန်မမှာ အပြည့်အလျှံရှိနေပြီ။ ဒါပေမဲ့ ကျွန်မအတွက် ဒီငွေ တွေက စက္ကူစုတ်လောက်တောင် တန်ဖိုးမရှိတော့ပါလား။ ကျွန်မ ဘဝကိုတောင် တန်ဖိုးမထားမငဲ့ကွက်ပဲ ငွေကိုအရူးအမူး ရှာခဲ့တာ။ အခုတော့ ဒီငွေတွေက ကျွန်မအတွက် ဘာများအသုံးဝင်သေးလို့လဲ။  ငွေနောက်လိုက်ခဲ့တဲ့ကျွန်မဘဝ ဘယ်တော့ မှပြန်တက်လို့မရတဲ့ချောက်ကမ်းပါးအောက်ကိုပြုတ်ကျခဲ့ပြီလေ။

 (၂)

          ငွေ .. ငွေ ..။ လောကကြီးမှာ ငွေလောက်တန်ဖိုးကြီးတာဘာရှိလဲ။ မရှိဘူး ..။ ငွေက လူတိုင်းရဲ့သည်းခြေကြိုက်ပဲ။ ငွေမရှိရင် လူတွေကနှိမ်ချင်ကြတယ်။ ကဲ့ရဲ့ချင်ကြတယ်။ ငွေကြောင့် လူတွေမျက်နှာပွင့်ကြတာ။ လူရာဝင်ကြတာ။ ဒီတော့ ကျူပ် ငွေကိုအလောတကြီးရှာနေရတာပေါ့။ ကောင်းတာလုပ်ပြီးတော့လည်းငွေရှာတယ်။ မကောင်းတာ လုပ်ပြီးတော့လည်း ငွေရှာတယ်။ ဘာပဲဖြစ်ဖြစ် ငွေရဖို့က အဓိကပဲ။ ကျုပ်ကတော့ ဒီလိုပဲခံယူထားတယ်။

ကျုပ်က အောက်ခြေကနေစလာရတဲ့သူဆိုတော့ ငွေရဲ့တန်ဖိုးကိုနားလည်တယ်။ ကျုပ် ဆင်းရဲသားနင်းပြားဘဝ တုန်းက ဘယ်သူများအဖက်လုပ်ခဲ့လို့လဲ။ လက်ညှိုးထိုးကဲ့ရဲ့ခဲ့တာချည်းပဲ။ လဲနေတဲ့သူကို ပိုပြီးလဲအောင်နင်းချေခဲ့ကြတာ။ ဒါကြောင့် လူတွေကိုစိတ်နာပြီး ငွေကိုကြုံးရုန်းရှာခဲ့တာ။ အခုတော့ ဦးထွန်းသိုက်ဆိုတဲ့ ကျုပ်နာမည်က မပါမဖြစ်ပဲ။ ပါတီတွေ လုပ်ရင်လည်း ကျုပ်ကိုထိပ်ဆုံးကဖိတ်တယ်။ ဒင်နာလုပ်ရင်လည်း ကျုပ်မပါရင် ပွဲမစည်ပြန်။ ဒီလောက်အထိကို ကျုပ်က အရေးပါလာတာ။

ပွင့်ပွင့်လင်းလင်းပြောရရင် ငွေမျက်နှာကြောင့်ပေါ့။ အရင်က ကျုပ်ကို နှိမ့်ချဆက်ဆံထားတဲ့လူတွေ။ အခုတော့ ကျုပ်နဲ့လွတ်ကင်းတဲ့သူရှိလား။ မရှိဘူး။ ကျုပ်လိုချင်တာ ဒါပဲ။ ကျုပ်ဆီကနေ အောက်ကျို့ခံငွေချေးခဲ့တဲ့သူတွေဆီ တစ်လ တစ်ခါ အတိုးသွားကောက်ရတာကိုက အရသာတစ်ခုပဲ။ ဒီအရသာက ဘာနဲ့မှကိုမလဲနိုင်ဘူး။

          ငွေနဲ့ပတ်သက်လာရင် ဘယ်သူ့မျက်နှာကိုမှ ကြည့်စရာမလိုဘူး။ ငဲ့ကွက်နေစရာမလိုဘူး။ မျက်ရည်ကျတိုင်းသနားပြီး တောင်းတိုင်းသာပေးနေရင် သူတောင်းစားတွေ တိုက်ဆောက်ကားစီးနေလောက်ပြီ။ ဒီတော့ ငွေနဲ့ပတ်သက်လာရင် ဘယ်သူ့ ကိုမှမသနားနဲ့။ အရင်ကငွေတစ်ပြားတစ်ချပ်တောင်မရှိတဲ့ကျုပ် အခုတော့ ငွေတွေပွားလို့ သူဌေးဖြစ်နေပြီ။ အဲဒါကံကောင်း လို့မဟုတ်ဘူး။ ကံဆိုတာအလုပ်။ ကျုပ် လုပ်လို့ ကျုပ်ရတာ။ ငွေရမယ်ဆိုရင် အလုပ်မရွေးဘူး။ အားလုံးလာခဲ့ပဲ။

          ကျုပ်မှာငွေဘယ်လောက်ရှိလဲဆိုတာ ကျုပ်မိန်းမနဲ့ သားတွေတောင်မသိဘူး။ မသိအောင်လည်း ကျုပ်လျှို့ဝှက်ထား ခဲ့တာ။ ငွေနဲ့ပတ်သက်လာရင် ကိုယ့်ရဲ့သွေးသားရင်းချာတွေတောင်ယုံရတာမဟုတ်ဘူး။ သားသမီးယုံတော့ စုံလုံးကန်းဆိုတဲ့ စကားက အလကားထားခဲ့တာမှမဟုတ်တာ။

          ဒီနေ့တော့ အတိုးကောက်လာတဲ့ငွေဆယ်သိန်းပါလာတယ်။ ကျုပ်ငွေတွေကို ဘဏ်မှာမအပ်ဘူး။ ကျုပ် အမြဲတမ်း ကြည့်နေနိုင်အောင် သီးသန့်ထားခဲ့တာ။ ငွေထားတဲ့နေရာကိုသိတဲ့သူဆိုလို့ လောကကြီးမှာ ကျုပ်တစ်ယောက်တည်းပဲ ရှိတယ်။ ဒါကြောင့် ကျုပ် အိမ်ကိုပြန်လာခဲ့တယ်။

          ကျုပ်မှာ ကိုယ်ပိုင်ကားမရှိဘူး။ သွားချင်တဲ့နေရာကို လိုင်းကားတိုးစီးပြီးသွားလိုက်တာပဲ။ လိုင်းကားစီးရတာ လူမသက်သာပေမယ့် ငွေသက်သာတယ်။ ကိုယ်ပိုင်ကားဝယ်လိုက်ရင် ပျက်လို့ပြင်ရတာနဲ့ ဆီဖိုးကုန်တာနဲ့ စုံနေတာပဲ။ ကျုပ်က ငွေရတဲ့အလုပ်ပဲလုပ်ချင်တာ။ ငွေကုန်တဲ့အလုပ်ဆိုဘာမှမလုပ်ဘူး။

          အိမ်ရောက်တာနဲ့ အိမ်သားတွေအလစ်ကိုကြည့်ပြီး အပေါ်ထပ်ကိုတက်လာခဲ့တယ်။ အပေါ်ရောက်တော့ စာကြည့် ခန်းထဲပြေးဝင်ပြီး တံခါးကိုအသေပိတ်ထားလိုက်တယ်။ ဒါမှ ကျုပ်ငွေတွေကို စိတ်ချလက်ချထားလို့ရမှာ။

          အခန်းထဲမှာချိတ်ဆွဲထားတဲ့ပန်းချီကားကို အသံမမြည်အောင်ဖြုတ်ယူလိုက်တယ်။ နံရံမှာမြုပ်ထားတဲ့ မီးခံသေတ္တာ အံဝှက်လေးတစ်ခုပေါ်လာတယ်။ လျှို့ဝှက်နံပါတ်ကိုနှိပ်လိုက်တယ်ဆိုရင်ပဲ ဂျောက်ခနဲ အသံနဲ့အတူ အံဝှက်တံခါးက ပွင့်သွား တယ်။ အထဲမှာ အစီအရီရှိနေတဲ့ငွေတွေက အထပ်လိုက်။ ကျုပ်အပြင်မှာဘယ်လောက်ပဲပင်ပန်းနေပါစေ ဒီငွေတွေကိုမြင် လိုက်ရရင်ပဲ အပန်းပြေသွားရော။ တစ်နေ့တစ်ခါတော့ ဒီငွေတွေကိုဖွင့်ကြည့်ဖြစ်တယ်။

          ကျုပ်ရဲ့လက်ဆွဲအိတ်ထဲက ငွေဆယ်သိန်းကိုလည်း ထည့်သိမ်းဖို့ပြင်လိုက်တယ်။ လက်ဆွဲအိတ်ကိုဖွင့်ကြည့်လိုက် တယ်ဆိုရင်ပဲ ကျုပ်မျက်လုံးတွေပြာဝေသွားတယ်။ အိတ်ထဲမှာ ငွေတစ်ပြားမှမရှိတော့ဘူး။ အိတ်မှာလည်း ဓားနဲ့ ခွဲထားတဲ့ အရာကြီးကအထင်းသားပေါ်နေတယ်။ ကျုပ်ငွေတွေ ခါးပိုက်နှိုက်ခံရပြီ။

          ကျုပ်ခေါင်းထဲမှာ မူးခနဲ မိုက်ခနဲဖြစ်သွားတယ်။ ဒေါသကြောင့်လည်း ကျုပ်တစ်ကိုယ်လုံး တဆတ်ဆတ်တုန်လာ တယ်။ ရင်ထဲမှာလည်း နှမြောတသစိတ်တွေနဲ့ ပူလောင်ပြင်းပြလာတယ်။ နောက်ဆုံး မီးခံသေတ္တာကိုပြန်ပိတ်လိုက်ပြီး ဆိုဖာပေါ်မှာ စိတ်ပျက်လက်ပျက်ထိုင်ချလိုက်တယ်။

           ငွေတွေကိုနှမြောတသစိတ်နဲ့ ဘာမှစားချင်တဲ့စိတ်လည်းမရှိတော့ဘူး။ ရင်ထဲမှာအရမ်းကိုပူလောင်နေမိတယ်။ ရင်ပူတာတွေများ ငြိမ်းသွားမလားဆိုပြီး အဲကွန်း(Aircon) ကိုအဆုံးထိဖွင့်လိုက်တယ်။ ဒါတောင် ကျုပ်ရင်တွေပူနေတုန်းပဲ။ နောက်တော့ ကျုပ် ဘာမှ မသိတော့ဘူး။ ဆိုဖာပေါ်မှာထိုင်ရင်း အိပ်ပျော်သွားတယ်ထင်တာပဲ။

          နိုးလာတော့ ကျုပ်တစ်ကိုယ်လုံးလှုပ်ရှားလို့မရတော့ဘူး။ ခြေတွေ လက်တွေလည်းလှုပ်လို့မရ။ ကျုပ်တစ်ခါမှ ဒီလို မဖြစ်ဖူးဘူး။ ကျုပ်မိန်းမကို အထိတ်တလန့်အော်ခေါ်လိုက်မိတယ်။ ဒါပေမယ့် ဝူးဝူးဝါးဝါးအသံတွေပဲ မကွဲမပြားနဲ့ ထွက်ပေါ် လာတယ်။ မကြာဘူး တံခါးခေါက်သံတွေကို ကြားလိုက်ရတယ်။ ပြီးတော့ ကျုပ်မိန်းမနဲ့ သားတွေရဲ့ခေါ်သံကို ကြားရတယ်။ ဒါပေမယ့် သူတို့ဝင်လာလို့မရကြဘူး။ ကျုပ်အထဲကနေ သော့ခတ်ထားတာကိုး။

          ခဏနေတော့ သော့ကိုဖျက်ပြီး ကျုပ်မိန်းမနဲ့ သားတွေဝင်လာတယ်။ သားကြီးက ကျုပ်ကိုအခန်းထဲပွေ့ခေါ်သွား တယ်။ ဆရာဝန်ရောက်လာမှသိလိုက်ရတာက ကျုပ် လေဖြတ်သွားတာတဲ့။ တစ်ညလုံး အဲကွန်း(Aircon) ကိုအဆုံးထိဖွင့်ပြီး အိပ်ပျော်သွားတဲ့ ကျုပ်။ လေဖြတ်ပြီးမလှုပ်နိုင်တဲ့အပြင် စကားလည်းမပြောနိုင်တော့ဘူး။

          ဖြစ်ချင်လာတော့ မကောင်းတာတွေချည်းပဲဆက်တိုက်ဖြစ်လာခဲ့တယ်။ ကျုပ်ဆီကငွေချေးထားတဲ့သူတွေပေါ်မလာ တော့သလို ကျုပ်လုပ်ငန်းတွေလည်း လူယုံသတ်လို့ အရှုံးပေါ်ခဲ့တယ်။ ကျုပ်လုပ်ငန်းတွေကို မိန်းမနဲ့ သားတွေကလည်း မသိနားမလည်ကြတော့ ဆုံးရှုံးမှုကဆက်တိုက်ဆိုသလိုကိုဖြစ်လာခဲ့တယ်။ ကျုပ်ကတော့ အိပ်ယာပေါ်မှာလူသေကောင်လို လဲလျောင်းနေရုံကလွဲလို့ ဘာများလုပ်နိုင်ပါ့မလဲ။ နောက်ဆုံး ကျုပ်ရဲ့အိမ်ကြီးကို လူများလက်ထဲထိုးအပ်လိုက်ကြရတယ်။

          ဒီနေ့ကို ကျုပ်မမေ့ဘူး။ သေတဲ့အထိကို မမေ့ဘူး။ ကျုပ်တို့အိမ်ကြီးပေါ်ကဆင်းပေးရတဲ့နေ့လေ။ ဝှီးချဲလ်ပေါ်မှာ ထိုင်ပြီး ဝူးဝူးဝါးဝါးနဲ့ ကျုပ်ပြောနေတာတွေကို ကျုပ်မိန်းမလည်း မသိဘူး။ ကျုပ်သားတွေလည်းနားမလည်ကြဘူး။ ကျုပ်က တော့ မျက်ရည်တွေကျပြီး ဝူးဝူးဝါးဝါးနဲ့ မမောနိုင် မပန်းနိုင်အောင်ကို ပြောပြနေခဲ့တယ်။

          ငွေတွေ.. ငွေတွေ.. စာကြည့်ခန်းထဲမှာ ကျုပ်စုထားတဲ့ငွေတွေကျန်ခဲ့ပြီ .. ပြန်ယူပေးကြပါ .. ကျုပ်ရဲ့ငွေတွေပြန်ယူ ပေးကြပါ … ငွေတွေ .. ကျုပ်ရဲ့ငွေတွေ.. ကျုပ်ရဲ့ငွေတွေ … ။

(၃)

          လမိုက်ညဆိုတော့ အမှောင်ထုကသိပ်သည်းလွန်းနေတယ်။ ကားမီးရောင်များမြင်မလားဆိုပြီး မျှော်ကြည့်မိတယ်။ ဒီနေ့ ကားတွေအလာကျဲသလိုပဲ။ ခါတိုင်းဒီအချိန်ဆို တွက်ခြေကိုက်နေလောက်ပြီ။ အခုတော့ လမ်းလျှောက်ရတဲ့ခြေတောက် တွေတောင်ညောင်းနေပြီ။ အလုပ်ကမဖြစ်သေး။

          လွယ်ထားတဲ့ စလင်းဘက်အိတ်ကလည်း ဟန်ပြသက်သက်ပဲ။ အထဲမှာငွေနဲ့တူတာဆိုလို့ လိပ်စာကဒ်လေးတွေပဲ ရှိတယ်။ မနေ့က အိမ်ကိုငွေပို့လိုက်တော့ လက်ထဲမှာငွေပြတ်နေပြီ။ ငွေမပို့လို့လည်းမဖြစ်ပြန်။ ဖုန်းဆက်ပြီး ငွေချည်းတောင်း နေတော့ ရသလောက်လေးရှာပြီးပေးလိုက်ရတာ။

          တစ်လတစ်လကလည်း အကုန်မြန်လိုက်တာ။ ငွေကလည်း အကုန်အကျများသလားမမေးနဲ့။ ဒါတောင် အိမ်လခ မကုန်သေးဘူး။ သူငယ်ချင်းအိမ်မှာကပ်နေတော့ အဆင်ပြေနေရော။ စားစရိတ်ကျတော့ မပေးလို့ဖြစ်မလား။ မပေးရင် အိမ်ပေါ်က ခေါင်းနဲ့ဆင်းပြေးရမှာ။

          နယ်ကနေ မြို့မှာအလုပ်လာလုပ်တယ်ဆိုတာ ထင်သလောက်မလွယ်ဘူး။ ပညာကလည်း ဖြစ်ဖြစ်မြောက်မြောက် မတတ်ပြန်တော့ အလုပ်ရဖို့ကလည်းမလွယ်။ ဒီလိုနဲ့ ငွေနောက်လိုက်မိပြီး အမှောင်လမ်းထဲ ရောက်မှန်းမသိ ရောက်သွားခဲ့ တယ်။ သူများမျက်ခုံးပေါ်မှာစင်္ကြံလျှောက်ရတဲ့အလုပ်ဆိုပေမယ့် ငွေရလွယ်တယ်။ ရတဲ့ငွေကလည်း နင့်နေတာပဲ။ ကောင်း တဲ့အလုပ်မဟုတ်မှန်းသိပေမယ့် ဂရုမစိုက်တော့ဘူး။ ချိုရင် မြိုပြီး ခါးရင် ထွေးထုတ်လိုက်တာပဲ။

          အစကတော့အဆိုးလှဘူး။ ငွေရွှင်တော့ အဆင်ပြေတာပေါ့။ အခုတလော အဖမ်းအဆီးများပြီး အလုပ်ကအဆင်မပြေ ပြန်တော့ ကားတွေအလာများတဲ့ မြို့ပြင်ကဟိုင်းဝေးလမ်းမကြီးပေါ်မှာ စားကျက်ရှာရပြန်တယ်။ အခုလို အခြေအနေကတော့ အဆိုးဆုံးပဲ။ ခေါက်တုံ့ ခေါက်ပြန်လျှောက်နေရတာ တစ်နာရီကျော်နေပြီ။ ကားတစ်စီးမှ တောင်ဖြတ်လာတာမမြင်ရဘူး။ နောက်တော့ အဝေးကကားမီးရောင်သဲ့သဲ့ကိုလှမ်းမြင်ရတယ်။ ရင်တွေတောင်တလှပ်လှပ်တုန်လာတယ်။ ဈေးဦးတော့ပေါက် ပြီထင်ပါရဲ့။

          ဝမ်းသာမယ်လို့မကြံရသေးဘူး။ ကားနဲ့နီးလာတယ်ဆိုရင်ပဲ ပီးပေါ် ပီးပေါ်ဆိုတဲ့ အသံကိုကြားလိုက်ရတယ်။ ကားက ရဲကားဖြစ်လို့နေတယ်။ ဒါကြောင့် ချုံပုတ်တစ်ခုနောက်ကို အသာလေးဝင်ပုန်းလိုက်ရတယ်။ ဘယ်နေရာမှာများ အမှုဖြစ်လို့လဲ မသိဘူး။ ဘုရား .. ဘုရား .. ကံသီပေလို့။ နို့မဟုတ် ရဲကားကိုတားလိုက်မိလို့ကတော့ မိရွှေကျော့တို့ ထောင်ထဲကိုကော့ကော့ လေးဝင်သွားရမှာ။ စဉ်းစားလိုက်တိုင်း ကြက်သီးတောင် တဖြန်းဖြန်းထမိတယ်။

          နောက်တော့ အရမ်းအရဲစွန့်လို့မရဲတော့ဘူး။ မျက်လုံးကိုပြူးပြီး သေသေချာချာလေးကြည့်ရတယ်။ ဟော အဝေးက ကားမီးရောင်သဲ့သဲ့ကိုမြင်ရပြန်ပြီ။ ဒီတစ်ခါတော့ ပေါ်ပေါ်ထင်ထင်ပဲလမ်းမပေါ်ထွက်ရပ်လိုက်တယ်။ ကားက ကုန်ကားဖြစ် နေတာကိုး။ မကြာပါဘူး။ နားယဉ်နေတဲ့ ကားဘရိတ်အုပ်သံကိုကြားလိုက်ရတယ်။ အဲဒီနောက်မှာတော့ စိတ်မရှည်တဲ့ စကား သံခပ်ကြမ်းကြမ်းက နောက်ဆက်တွဲအဖြစ်ထွက်ပေါ်လာတယ်။

“ ဟေ့ ကားလမ်းမပေါ်ထွက်ရပ်နေတာ မသာပေါ်သွားချင်လို့လား၊ ဒီမှာအေးအေးလူလူ တရားခွေဖွင့်ပြီးကားမောင်း နေပါတယ်ဆိုမှ၊ စားနေကျကြောင်ဆိုရင်လည်း နောက်ကားကိုမျှော် ”  

          အဆင်မပြေတဲ့အခါများ ဆက်တိုက်ကိုအဆင်မပြေပြန်။ အဲဒီလိုသမာဓိသိက္ခာရှင်တွေနဲ့ကျတော့လည်း အလုပ်က မဖြစ်။ ကားမောင်းတာများ တရားခွေဖွင့်သလေး ဘာလေးနဲ့ ကြီးကျယ်နေလိုက်တာ။ ဟွန်း .. သွားပေါ့။ သူ့ကားတစ်စီး တည်းလာမှာကျလို့။

          ငွေ .. ငွေ .. လောကမှာ ငွေလောက်အရေးကြီးတာ ရှာလို့ကိုမတွေ့ဘူး။ အသုံးလွယ်သလောက် ရှာရခက်တဲ့ငွေ။ ငွေမရှိဘဲ အသက်ရှင်ရတဲ့ဘဝလောက် လူဖြစ်ရှုံးတာမရှိဘူး။ တကယ် ..။ ဟော .. ငွေအကြောင်းစဉ်းစားနေတုန်း ကားမီး ရောင်တွေ့ပြန်ပြီ။ ဒီတစ်ခါ တော့ကံကောင်းပါစေ။ ဆုတောင်းတဲ့အတိုင်းကွက်တိပဲ။ တန်ဖိုးကြီးတဲ့ကားတစ်စီးက အနားမှာ ထိုးရပ်လာတယ်။ နွဲ့နှောင်းတဲ့အမူရာနဲ့ ကားဆီလျှောက်သွားလိုက်တယ်။ ကားထဲမှာ သက်လတ်ပိုင်းအရွယ်လူတစ်ယောက်။ ပုံစံကတော့ ရေလျှံနေတဲ့ပုံပဲ။ ယောက်ျားတန်မဲ့ ရွှေကြိုးနဲ့ လက်စွပ်နဲ့။ အင်း ကံကတော့ ကောင်းစပြုလာပြီ။

          မကြာပါဘူး နှစ်ယောက်သားအပေးအယူတည့်သွားတယ်။ ကားပေါ်တက်ထိုင်လိုက်တော့ ကားကငြိမ့်ခနဲ မောင်း ထွက်သွားတယ်။ စီးဖူးတဲ့ကားတွေထဲမှာ ဒီတစ်ခါစီးရတဲ့ကားက အကောင်းဆုံးပဲ။ အဘေးမှာချထားတဲ့ အိတ်ကြီးကလည်း ဖောင်းပွလို့။ ဒီတစ်ခါရတဲ့သားကောင်ကတော့ အချီကြီးပဲ။

          ကိုယ့်အတွေးနဲ့ကိုယ်ကျေနပ်နေတုန်း ကားကထိုးရပ်သွားတယ်။ ပတ်ဝန်းကျင်ကိုဝေ့ဝဲကြည့်လိုက်တော့ မျက်လုံးပြူး သွားမိတယ်။ ကားကဘာဖြစ်လို့ ရဲစခန်းရှေ့မှာရပ်ထားရတာလဲ။ ရင်က ထိတ်ကနဲတုန်သွားတယ်။

          “ ကဲ အမိ ဆင်းတော့၊ သတင်းကြားနေတာကြာပြီ၊ အခုမှပဲ လက်ရဖမ်းမိတော့တယ် ”  

          ဂျောက်ခနဲ အသံနဲ့အတူ လက်နှစ်ဖက်က စတီးလက်ကောက်နဲ့မိတ်ဆက်သွားတယ်။ ဘုရားရေ .. ကယ်တော်မူပါ။  ငွေနောက်လိုက်ခဲ့တဲ့ မိရွှေကျော့ ။ အခုတော့ သံတိုင်နောက်ကို ကော့ကော့လေးဝင်ရတော့မယ်။ ကိုယ့်ကိုယ်ကို မုဆိုးလို့ ထင်ခဲ့တာ။ အခုမှ သားကောင်ဖြစ်မှန်းသိခဲ့ရတယ်။ အမှောင်လမ်းကိုမှရွေးလျှောက်ခဲ့မိတဲ့ မိရွှေကျော့။ အခုတော့ ဘဝလမ်း က ခြေရာလည်းပျောက် ရေလည်းနောက်ခဲ့ရပြီလေ။

 (၄)

ငွေကို လူတိုင်းလိုချင်ကြတယ်။ ဒီတော့ ကောင်းတာရော မကောင်းတာရောလုပ်ပြီး ငွေရှာကြတယ်။ ဖြတ်လမ်းကရှာ သလို လွယ်တဲ့နည်းနဲ့လည်း ငွေနောက်ကိုလိုက်တတ်ကြတယ်။ ဒါပေမယ့် လောဘရမ္မက်ကြီးပြီးတပ်မက်လွန်းကြရင် ငွေဆိပ် သင့်တတ်တယ်။ လူတွေငွေဆိပ်သင့်ရင် ကုဖို့ဆေးမရှိတော့ဘူး။ ငွေပုံကြီးကိုမြင်ရင် လောဘစိတ်နဲ့ စိတ်ချမ်းသာကြတယ်။ ငွေတစ်ကျပ်လျော့ရင် သောကစိတ်နဲ့ စိတ်ဆင်းရဲကြတယ်။ နောက်ဆုံးတော့လည်း ငွေနောက်လိုက်ရင်း လူတွေရဲ့ဘဝ အဆိပ်သင့်သွားတတ်ကြတာပါပဲ။
                                                                         ခင်မင်လေးစားစွာဖြင့်
                                                                           နတ်ရဲ (ရူပဗေဒ)