“ဒုန်း.....”
မိုးချိ်န်းသံမဟုတ်သော အသံတစ်ခုသည် လောကတွင် ကျယ်လောင်စွာထွက်လာခဲ့သည်။ ထိုအသံကြောင့်လူများလည်းရုတ်ရုတ်သဲသဲ။ စိုးရိန်သူများကစိုးရိန်။ ထိတ်လန့်သူများကလည်း ရင်လေးကို လက်ဖ၀ါးလေးနှင့်အသာဖိနေကြသည်။
ဖြစ်ရပ်သည်ကား ဆိုင်ကယ်နှင့် စက်ဘီးတိုက်မိခြင်းသာ။ ဆိုင်ကယ်စီးလာသူမှာ ကောင်လေးတစ်ယောက်သာဖြစ်ပြီး အသက်မှာလည်းသိပ်ကြီးလှသေးမည် မဟုတ်ချေ။ အသားလတ်လတ် ဆံပင်ရှည်ရှည် နှင့် အောက်ရှုးဘောင်းဘီအနက်နှင့်တကွ စပုတ်ရှပ် ခပ်ကျပ်ကျပ်ကိုဝတ်ထားသော သူ့အသွင်အပြင်ကိုကြည့်ခြင်းအားဖြင့် လူကုံထံအသိုင်းအ၀ိုင်းမှဖြစ်ကြောင်း သိနိုင်သည်။
တစ်ဖက်မှစက်ဘီးစီးလာသူမှာကား အသက် လေးဆယ်ကျော်ငါးဆယ်နှီးပါးရှိလောက်မည့် ဦးလေးကြီးတစ်ဦး။ ဘေးတွင်ကျနေသော ပုံးအခွံအခေါက်နှင့် အေးစက်စက် အရည်ပျော်လုခမန်းဖြစ်နေသော ရေခဲချောင်းလေးတို့ကိုကြည့်ခြင်းအားဖြင့် ထိုဦးလေးသည် ရေခဲချောင်းရောင်းတဲ့သူတစ်ယောက်ဖြစ်ကြောင်းသိနီုင်သည်။
သူ့ပုံစံမှာလည်းစုတ်စုတ်ပြတ်ပြတ်။ ခပ်နွမ်းနွမ်း အကျီင်္လေးကို အရောင်ဖျော့ဖျော့ ပုဆိုးကွက်လေးနှင့် မလှမပ၀တ်ဆင်ထားသည်။ စီးလာသည့်စက်ဘီးမှာလည်း တစ်ဘီးလုံးသံချေးတက်နေသည်။ အပေါက် များလှသော ဘေးလွယ်အိတ်ကြီးကိုလည်း လွယ်ထားသေးသည်။ ကလိုင်လေးကတော့ သူနဲ့အဝေးတစ်နေရာမှာလွင့်စင်လို့ပေါ့။
ဖြစ်ပျက်ထားသည့်အခြေအနေက နှစ်ယောက်လုံးကိုအထိနာစေခဲ့သည်။ ကောင်လေးကလည်း အရွယ်ငယ်သော်လည်း သူ့ဒဏ်ရာကမသေး။ ခေါင်းနားမှာ ရေအိုင်တစ်ခုလိုရွဲနစ်နေတဲ့ သွေးကွက်ကြီး က လူတွေကိုခြောက်လန့်နေသည်။ လက်တွေမှာလည်း ပွန်းရှတဲ့ဒဏ်ရာတွေကြောင့် သွေးလေးတွေ ခပ်မျှင်းမျှင်းစို့နေပါသည်။ သူ့အနားတွင်တော့ သူ့ရဲ့ညဉ်းညူသံသဲ့သဲ့လေးကိုသာကြားရသည်။
အဖိုးကြီးကတော့ သူ့လို သွေးတွေများများစားစားမထွက် ။ လမ်းမပေါ်တွင် သွေးကွက်သေးသေးလေးကိုသာတွေ့ရသည်။ သို့သော်လည်း သူ့နားတွင်အသက်ရှုူသံ ခပ်သဲ့သဲ့ကိုမှမကြားရ။ သတိမေ့နေခြင်းလား။ ဘာလားဆိုတာကိုတော့ တစ်ယောက်မှယေယေရာရာမသိ။
လူတွေကလည်းတစ်ယောက်ပြီးတစ်ယောက် ၀ိုင်းအုံလာကြသည်။ ရင်ဘတ်လေးကိုလက်လေး နဲ့ဖိတဲ့လူကဖိ။ မကြည့်ရဲလို့ပြန်တဲ့သူကပြန်။ ဘေးမှာတီးတိုးပြောနေသူတို့ကပြော။ဆိုင်ကယ်စီးသူက လည်း အစကတည်းက အရှိန်များများနှင့် ခပ်မြန်မြန်စီးခဲ့သည်ထင်ပါသည်။
တစ်ယောက်မှမထူရဲ။ ကောင်လေးဆီမှာ နာကျဉ်းသံလိုလို အကူအညီတောင်းသံလိုလို ခပ်သဲ့သဲ့အသံတစ်ခုထွက်လာပေမယ့် သွေးအိုင်ထဲနစ်နေသော သူ့ကိုဘယ်သူမှမထူရဲကြ။ ဆိုင်ကယ် တိုက်မှုဆိုသည်ကို လူအများကရဲမှုလို့သာနားလည်ထားကြသည်။ သူတို့ကိုအမှုပတ်မှာလည်းစိုးရိန်ကြသည်။
လူ့အသက်တစ်ချောင်းကယ်ကောင်းသော်လည်း ထိုအသက်ကြောင့် ကိုယ့်အတွက် အပြစ်ဖြစ်မည်ကိုစိုးသဖြင့်ဘယ်သူမှမကယ်ရဲ။ အထူးသဖြင့် လူတိုင်းက အစိုးရနှုင့်ကင်းကင်းနေချင်ကြသည်။ အမှုပတ်မှဖြင့် ရုံးချိန်း ခေါ်စစ်ခြင်း ဒါတွေကိုလူတွေမခံနိုင်ပါ။ ထိုထက် တစ်ရစ်ပြီးတစ်ရစ်တိုးပြီးကောက်တဲ့ငွေတွေကိုလည်းမပေးချင်ကြပါ။
ထိုအချိန်တွင်ကောင်လေးမှာသွေးတွေရွဲနစ်နေသော်လည်း အချိန်မီလျှင် သူ့အသက်ကိုကယ်
နိုင်ချေမည်။ သို့သော်လည်း သူ့ကိုကြင်နာစွာထူမမည့်သူကတစ်ယောက်မှမရှိ။ သူ့အဖြစ်က စတငန့်ငန့် နှင့် ။
ရေခဲချောင်းသည်ဦးလေးကြီးကတော့ ညလယ်မှာအိပ်နေသကဲ့သို့တုတ်တုတ်မျှမလှုပ်။ အသက်ပင်ရှိပါသေးစွ။ သူ့ကိုလူတွေကလည်းသံသယတွေဝင်။ သို့သော်ဘယ်သူကမှ တို့ထိမကြည့်ရဲ။
အထူးသဖြင့်ဒဏ်ရာများနေသောကောင်လေးပင်။ သူ့ဘက်မှ ခပ်တိုးတိုးညဉ်းညှူသံလေးဖြင့် အကူအညီတောင်းနေသော်လည်း အားလုံးထဲကတစ်ယောက်မှမကူညီ။ လူတွေအားလုံးကလည်းကိုယ့်အသိနဲ့ကိုယ်ကြောက်လန့်နေကြပြီးသား။ အားလုံး ၀မ်းနည်းရုံထက်ပိုမတက်နိုင်။
အချိန်တွေအတော်ကြာကာမှ ရဲတွေရောက်လာပြီး ဆေးရုံတင်လိုက်ရသည်။ ဆေးရုံေ၇ာက်တော့ချက်ချင်းအရေးပေါ်ခန်းထဲဝင်ရသည်။ သို့သော် ကံဆိုးသည်ပဲဆိုရမလား။ ဆေးရုံအုပ်ကမရှိ။ ဆေးရုံအုပ်တွေကဆေးရုံမှာမနေပဲဘယ်လို အုပ်ချုပ်မလဲ။ ဆေးရုံအုပ်က အိမ်မှာဆေးခန်းထိုင်နေတယ်တဲ့။ဒီလိုနဲ့ မိနစ်ပေါင်းများစွာကြာအောင် ဆေးရုံအုပ်ကြီးကိုစောင့်နေရသေးသည်။
အတော်ကြာတော့မှဆေးရုံအုပ်ကြီးရောက်လာသည်။ အရာအားလုံးဟာအဆင့်သင့်ပေါ့.... လူနာတွေရဲ့မျက်ခွံလေးတွေကိုလှန်ကြည့်လို့အပြီးမှာပဲ သူ့ရဲ့ကျွမ်းကျင်လှတဲ့ဆေးကုသမှုအဆုံးသတ်ပါသည်။ အသက်မရှိတဲ့လူနာကို သူဘယ်လိုကုနိုင်မှာလဲ။
☻ ☻ ☻ ☻ ☻ ☻
နောက်နေ့ေ၇ာက်တော့ ကောလဟာလလိုလိုနဲ့လူတွေရဲ့နှုတ်ဖျားမှာသတင်း တစ်ခု ထွက်လာပါရော။
“မနေ့ကကောင်လေးတစ်ယောက်နဲ့ အဖိုးကြီးတစ်ယောက် ဆိုင်ကယ်နဲ့ စက်ဘီးနဲ့ တိုက်လို့တဲ့”
“ငါသိတယ်..ကောင်လေးကခပ်ချောချောလေးပါအေ”
“ဆေးရုံတင်တာနောက်ကျလို့ဆေးရုံရောက်မှဆုံးသွားတယ်”
“ဘယ်သူမှလည်းမကယ်ရဲကြဘူး...ဆေးရုံမှာဆ၇ာဝန်ကလည်းတန်းမရှိတော့ ပိုဆိုးတာပေါ့အေ ”
“ဟင်....”
သက်ပြင်းရှည်ကြီးကိုချရင်း သူ့အတွက် သနားမိစွာပင် ကျနော့်ရဲ့ဝတ္ထုတို လေးကိုလည်း နိဂုံးချုပ်လို့ ဒီနေရာမှာပဲအဆုံးသတ်လိုက်ပါတော့သည်။
အရာအားလုံးဟာခြောက်သွေ့စွာဖြင့်ပေါ့.........
ခံစားတတ်သောနှလုံးသားဖြင့် ....
လွန်မင်းအံ့
facebook: Lwon Min Aent
0 မှတ်ချက်:
Post a Comment